سامحينى انا راجع تانى

سامحينى انا راجع تانى
هافرشلك الأرض أمانى
سامحينى وادينى الفرصه
انا عارف ان انا غلطان

غلطان ضيعتك منى
مع انك محفورة ف قلبى
من غيرك ماقدرش اعيش
وكفايه ان انا ندمان

سامحينى وهاحبك أكتر
والشوق جوايا هيكتر
والحب هيرجع من تانى
ونشوفه اشكال والوان

انا راجع لعنيكى من تانى
وهنسمع أنا وانتى اغانى
لحليم اللى مجمعنا
على حب بقاله زمان

انا راجع لعينيكى الحلوه
مش هانسى قلبك ولا ثانيه
ولا عمرى هاجرح احساسك
ولا نحكى عن كنا وكان

انا هامسح دمعة أحزانك
وهاعيش الباقى عشانك
وهاضحى بحياتى وعمرى
واصحى فيكى الأنسان

انا واقف وياكى حبيبتى
مش هانكر ان انتى حبيبتى
والماضى خلاص ننساه
والحاضر مافيهوش احزان

بكرة هنعدى المحنة
وهييجى حب يفرحنا
ونعيش انا وانتى فى دنيا
مليانه أمل وامان

» كلب هيفاء وهبى انتى تانى